بخصوص الأجهزة الكهربائية للمتزوجين أفضل الماركات

أولاً أهلاً وسهلاً بيكوا والله فرحان جداً لكل الشباب المقبلين على الزواج وربنا يوفقكوا جميعاً(معلش بكرة تعرفوا إن الله حق)
نيجى للتلاجه فالنصيحه هى TOSHIBA تلاجه جيدة الصنع سعر جيد وأفضل ال2باب منها ومتعددة القدم وبالنسبه للـ Non CFC فهى فعلاً مش بتعمل تلج عن تجربه ولكن العيب الوحيد هو الأرفف الزجاج البلاستيكى (حيث إنها متوفره فقط لدى الوكيل)
بخصوص الأجهزة الكهربائية للمتزوجين أفضل الماركات Pimg_2009331458218

بخصوص الأجهزة الكهربائية للمتزوجين أفضل الماركات Pimg_2009331458218

أما بالنسبة ليونيفرسال فهى ممتازه فى صناعة التلاجات بكل المقاييس وأغلب تلاجات المحلات منها لأنها تتميز بالمتانه (على فكره الأرفف معدنيه مطليه ويمكن تلاقى برضه البلاستك الزجاجى وإسئل البائع).
بخصوص الأجهزة الكهربائية للمتزوجين أفضل الماركات 3doorsa

بخصوص الأجهزة الكهربائية للمتزوجين أفضل الماركات 3doorsa

ولكن سعرها أعلى من التوشيبا بعض الشىء والدعم الفنى أقل من توشيبا قليلاً ولكن السواد الأعظم من مالكى التلاجات يفضل توشيبا بعد الوايت وستنج هاوس الأمريكيه (إنسى تجيبها ماهو يا تجيب التلاجه دى يا تتجوز وإنت حر)حالياً موجود وايت ويل بس الصيانه هى إلى صعبه شوية لتكنلوجيا البلازما والتوزيع الهوائى والحاجات المتطورة إلى مش بيفهما أغلب الفنيين عدا التوكيل وعايزه إستعمال طبيب هههه.طبعاً خد بالك من الضمان لأن بيفرق من شركة للتانيه وتوشيبا بتدى 10سنين
نيجى بأه للبوتوجاز وأعتقد إن الكريازى واليونيفرسال كويس جداً وللعلم محدش يدور على بتوجاز الشوايه والفرن شغالين فى غرفة واحدة مع بعض لأن ده فقط فى المنفصل وسعرة عالى شويه ومتهيألى ممكن أجيب عنه معلومات
بخصوص الأجهزة الكهربائية للمتزوجين أفضل الماركات Bombay_6505a

بخصوص الأجهزة الكهربائية للمتزوجين أفضل الماركات Bombay_6505a

عموماً ده البومباى الخمسه شعله اليونيفرسال 55*80 بجد بوتاجاز محترم وسعة الفرن ممتازه ومع الغاز الطبيعى الصنيعى إلى بيركب الغاز مش بيتعب كتير فى توسيع الفوانى زيه زى الكريازى.... طبعاً الجولدى سكة سكة هو شكل حلو ومنظر خرافى بس مشاكله تأكل داخلى وتطويس وإحتراق المفاتيح وعدم وجود الكوش(مش كوش الزفاف).
طبعاً الشوايه دوارة ومتصله بالكهرباء وإشعال ذاتى وإضاءة الفرن دى سمة كل البوتوجازات اليومين دول ... عدا طبعاً مصنع 360 الحربى لأن ده بوتجاز ممكن يدخل فى الحيطه ويطلع من الجنب التانى ومعدش بيتصنع أصلاً لأن الدبابات إلى بيقطعوها ويعملوا منها البتوجازات خلصت ,,,,,,
طبعاً كذلك الشفاط يا جماعه الفكره فى التركيب مش فى الشركة ولا حاجه ويكون قطع الغيار متوفره ومتهيألى توشيبا بتقدم شفاط المطبخ الكبير
بخصوص الأجهزة الكهربائية للمتزوجين أفضل الماركات Pimg_200812151139874

بخصوص الأجهزة الكهربائية للمتزوجين أفضل الماركات Pimg_200812151139874

وكمان شفاط الحمام (ساعات ناس تحب شفاط الحمام)
بخصوص الأجهزة الكهربائية للمتزوجين أفضل الماركات Pimg_200812151026421

طيب نيجى للغساله ودى برضك حاجه مهمه جداً وعن نفسى الإيديال زانوسى أكواتك 518 ممتازه من حيث موتور الميه والسخان والبروجرام ومش بتقطع الكهربا زى غسالات كتير بتعمل كده اليومين دول...
طبعاً مراكز خدمة الشركة معروفه ومحدش يتصل بأرقام الملصقات إلى على الحائط وفى الشوارع لأنها سيئة جداً وغالباً إستعمال قطع غيار رديئة (الغالى تمنه فيه)
بخصوص الأجهزة الكهربائية للمتزوجين أفضل الماركات WasherZI-518-big2

بخصوص الأجهزة الكهربائية للمتزوجين أفضل الماركات WasherZI-518-big2

أه أحب أوضح حاجه برضه هو إن أوليمبك جروب هى إلى شغاله فى الإيديال الأكواتك
طبعاً ممكن تتأكد من الموقع هنـــــا
كده خلصنا الحاجات إلى على العروسه (حسب تقاليد العيله).
ممكن بأه نشوف السخان ومتهيألى السخان الكهربى هو الأفضل والأأمن (عن نفسى )
ممكن تجرب أنواع كثيره ولكن الأكثر إنتشار والأكثر قطع غيار وأقل أسعار الصيانه هو الأوليمبك وممكن تستعمله للمطبخ والحمام متهيألى عن تجربه أبولو 50لتر حلو جداً والتركيب أسهل مما يكون
بخصوص الأجهزة الكهربائية للمتزوجين أفضل الماركات ApolloWaterHeaters-50L-big2

بخصوص الأجهزة الكهربائية للمتزوجين أفضل الماركات ApolloWaterHeaters-50L-big2

طبعاً أنا هأسيب موقع أوليمبك للى عايز يدور على نوع معين أو طراز معين فى الأوليمبك أو الإيديال .
الموقع هنــــا

كده متهيألى إتكلمنا عن بعض الأجهزة إلى ممكن تكون بتدور عليها عزيزى (من يجهز نفسه).
للعلم الأسعار تختلف من مكان لأخر ولكن تأكد من المكان الذى تشترى منه مكان موثوق فيه ولا تعتمد على قلة السعر(إياك وعبد العزيز والحوارى إلى جنبه والكلام ده)
وتأكد من حصولك على ورقة الضمان الخاصه بالمنتج وإن ختم البائع موجود على فاتورة البيع ورقم الضمان (مش هأوصى طبعاً).
من الأفضل الشراء من معارض الشركات لأنها تقدم أفضل الأسعار وكذلك هدايا وتنزيلات تناسب الأسرة
وأخوكم فى الخدمة لمن يبحث عن شىء معين

» حصـــريا القرأن الكريم كاملا بصوت الشـيخ عبد الباسط عـبد الصمـــد على أفضل السيرفرات

بخصوص الأجهزة الكهربائية للمتزوجين أفضل الماركات

بخصوص الأجهزة الكهربائية للمتزوجين أفضل الماركات :: تعاليق

بخصوص الأجهزة الكهربائية للمتزوجين أفضل الماركات

مواضيع مماثلة

مواضيع مماثلة