السلام عليكم

بعد بحث ومعاناة طويله اخيرا توصلت لملف الريجيسترى المناسب للعبة الفيفا فى اصدارها الاخير 2011
طبعا الكل عارف ان ملفات الريجيسترى مهمه لالعاب الفيفا ، وبسببها مينفعش حذف ملف الايزو(السورس)
او نقل اللعبه من برتيشان لثانى او تغيير اسمها ..!

قبل ما ادخل فى الشرح عايز اقول ان الموضوع ده حصرى للمنتدى ومن شرحى انا ، الملف متوافق مع الاكسبى
يعنى لو حد مسطب ويندوز سفن ومشتغلش معاه يبقى ده خارج عن ارادتى ..

ندخل بقه فى الجد

الاول تحميل ملف الريجيسترى من هنا او من هنا

بعد كده ركزوا معايا هنا كانت الغلطة اللى الناس كلها بتقع فيها ، من المعروف ان الريجيسترى بيتنقل
للفولدر اللى موجوده بيه اللعبه وتحديدا ملف exe لكن هنا بيختلف القصة ، هنا لازم تحط ملف الريجسسترى
برة فولدر Game زى ماهو واضح كده بالصورة



طبعا علشان محدش يتذاكى ويقولى ايه ده ، فهقول الفيفا بتتسطب فى فولدرين Game و Support ..

المهم بقه نيجى لاهم جزء فى الليله دى

قبل اى حاجه لازم تكون مسطب ثلاث برامج هامه موجوده فى ملف الايزو وهيا Direct x وطبعا
مافيش جهاز بيخلوا منها ، و Netframework ، و Microsoft Visual C++

ندخل بقه لتظبيط الريجيسترى

لو انت حاطط اللعبه مثلا فى برتيشان الـ F برة مش جوة اى فولدر يبقى تخلى الاعدادات زى ماهيا
كده فى الصورة بدون تغيير



لو افترضنا مثلا اننا نقلنا اللعبه وهيا فى نفس البرتشان لفولدر ثانى ولنفترض اسمه Games يبقى لاحظ معايا الفرق



الشىء المهم انك لما تنقل اللعبه من مكان للثانى لازم تراعى انك لما تنقلها تنقلها بنفس الشكل كده مع مراعاة السلاشات
ودى اهم نقطة علشان اللعبة تشتغل ، لازم تاخد بالك من السلاشات لان لو نسيت حاجه زى كده اللعبه مش هتشتغل !

طبعا لو عايز تنقل اللعبه من برتيشان للثانى كل اللى عليك انك تغير حرف الـ F وتحط بدلا منه حرف البرتيشان اللى هتنقل اللعبه اليه .. ولو هتحطها جوه فولدر جوه برتيشان ثانى يبقى تتبع الخطوات اللى وضحتها فى الصورة الثانية

فى النهاية اتمنى اكون وفقت فى الشرح واى استفسارات انا فى الخدمه